Ճապոնիայի պաշտպանության նախարարությունը հայտնել է ինքնապաշտպանական ուժերի էսմինեցից SM-3 հրթիռի առաջին հաջող փորձարկման մասին։
«Սա ծովային ինքնապաշտպանության ուժերի նավից SM-3 Block2A հրթիռի առաջին արձակումն է, որը համատեղ մշակվել է Ճապոնիայի եւ Միացյալ Նահանգների կողմից եւ նախատեսված է բալիստիկ հրթիռների խոցման համար։ Ձեռք բերված հաջողությունը թույլ է տալիս ասել, որ մեր երկիրը բալիստիկ հրթիռներ խոցելու հարցում, առաջընթաց է գրանցել»,- ասված է ծովային ինքնապաշտպանության ուժերի շտաբի հայտարարության մեջ։
Արձակումներն իրականացվել են Տոկիոյի ժամանակով նոյեմբերի 16-ին «Մայա» էսմինեցից եւ նոյեմբերի 19-ին «Հագուրո» էսմինեցից։ Զորավարժություններն անցկացվել են Հավայան կղզիների տարածքում։