Հունգարիայի վարչապետ Վիկտոր Օրբանի շարֆը զայրացրել է Ռումինիային եւ Հունգարիային եւ ծիծաղեցրել Խորվաթիային։ Հունաստանի հետ ֆուտբոլային խաղին Օրբանը հայտնվել է շարֆով, որի վրա պատկերված է մինչեւ 1920 թվականը սահմաններով «Մեծ Հունգարիայի» քարտեզը, որում ներառված են տարածքներ, որոնք այժմ Ռումինիայի, Խորվաթիայի, Սլովակիայի, Սերբիայի, Ավստրիայի եւ Ուկրաինայի մաս են կազմում:
Երկրի ԱԳՆ-ն «վճռական անհամաձայնություն» է հայտնել Բուխարեստում Հունգարիայի դեսպանին։ Ռումինիայի ԱԳՆ-ում հայտարարել են, որ «ռեւիզիոնիզմի բոլոր ձեւերն անընդունելի են, քանի որ դրանք հակասում են իրականությանը»։
Ուկրաինայի ԱԳՆ ներկայացուցիչ Օլեգ Նիկոլենկոն Facebook-ի իր էջում գրել է, որ գերատեսչությունը Կիեւում Հունգարիայի դեսպանին կանչելու է Օրբանի շարֆի պատճառով: Նա հավելել է, որ «ռեվիզիոնիզմի քարոզչությունը չի նպաստում հունգարա-ուկրաինական հարաբերությունների զարգացմանը եւ չի համապատասխանում եվրոպական քաղաքականության սկզբունքներին»։
Սակայն Խովարթիայի նախագահ Զորան Միլովիչին Օրբանի շարֆ ծիծաղեցրել է։ «Ինձ միայն ծիծաղեցնում է դա։ Հարեւան երկրների շարքում Հունգարիան նախկինի պես լավագույնն է»,-ասել է Միլանովիչը։
