ՀԱՊԿ Խորհրդարանական վեհաժողովի երկուշաբթի օրը կայացած նիստը օրենսդրության առումով բեկումնային դարձավ, ասել է Պետդումայի նախագահ Վյաչեսլավ Վոլոդինը։
«Ազգային օրենսդրությունների մերձեցումն ու ներդաշնակեցումը ՀԱՊԿ Խորհրդարանական վեհաժողովի հիմնական առաջնահերթությունն է։ Այսօր օրակարգում ունենք տասը օրինակելի ակտերի նախագծեր... Այսօրվա հանդիպումը մեզ համար մասամբ բեկումնային է օրինաստեղծման առումով։ Երբ մենք խոսում ենք օրինակելի օրենքների, օրինակելի ակտերի ընդունման մասին, երբ խոսում ենք օրենսդրության ներդաշնակեցման մասին, այսօր, իսկապես, շատ բան արվեց»,- ասել է նա երկուշաբթի օրը Հավաքական անվտանգության պայմանագրի կազմակերպության Խորհրդարանական վեհաժողովի խորհրդի համատեղ նիստում։
Օրինակելի օրենքների շարքում ներառվել են նաեւ «Վառելիքաէներգետիկ համալիրի օբյեկտներում ահաբեկչությանը հակազդելու վերաբերյալ առաջարկությունների նախագծերի մասին» եւ «Կազմակերպության գործունեության վերաբերյալ ՀԱՊԿ անդամ երկրների օրենսդրությունը ներդաշնակեցնելու վերաբերյալ առաջարկությունների նախագծերի մասին» օրենքները: