News
Լրահոս
News
Երեքշաբթի
Մարտ 19
Տեսնել լրահոսը

Հունգարիայի կառավարությունը չեղարկել է վառելիքի գների վիճահարույց վերին շեմն այն բանից հետո, երբ երկրում բենզինի դեֆիցիտ է սկսվել, գրում է Bloomberg-ը։

Սահմանափակումը, ըստ որի բենզինի գինը մեկ լիտրի համար դարձել է 480 ֆորինտ (1,2 դոլար), որը ԵՄ-ում մինչ օրս ամենացածր գինն է, իր ուժը կորցրել է երեքշաբթի տեղական ժամանակով 23:00-ին, ասել է նախարար Գերգելի Գուլյասը։ Նա քննադատել է ԵՄ պատժամիջոցները ռուսական նավթի մատակարարումների հանդեպ:

Սահմանաչափն անընդունելի է դարձել Հունգարիայի նավթավերամշակման միակ գործարանում պահանջարկի աճից, առաջարկի անկումից եւ տեխնիկական սպասարկումից հետո:

Իրավիճակը դարձել է «քաոսային», եւ դրա երկարացումը սպառնում էր երկրի էներգետիկ անվտանգությանը, նույն ճեպազրույցում ասել է «Մոլ Նյուրտ» էներգետիկ ընկերության եւ նավթավերամշակման գործարանի նախագահ եւ գլխավոր գործադիր տնօրեն Զոլտ Հերնադին։

Նրա խոսքով՝ Հունգարիան այժմ պետք է «վերականգնի վստահությունը» նավթ ներկրողների շրջանում, որոնք անցյալ տարի խուսափում էին երկրից՝ կորուստներ չունենալու համար։ Նա ասել է, որ «շուկայի կայունացումը», ներառյալ պահուստների համալրումը, մինչեւ երկու ամիս կտեւի:

Ավելի վաղ երկրի կենտրոնական բանկի ղեկավար Դյորդ Մատոլչին հայտարարել էր, որ Հունգարիան պետք է «անհապաղ» չեղարկի գների վերին շեմերի ռեժիմը, քանի որ դրանք հակասում են «տնտեսության հիմնական կանոններին»։ Նա ասել է, որ գնային սահմանափակումները ոչ միայն չեն դանդաղեցնում գնաճը, այլ ընդհանուր տվյալներին մինչեւ 4 տոկոսային կետ են ավելացնում: Ըստ Մատոլչիի, հաջորդ տարի գների աճը կարող է միջինը 15-18 տոկոս լինել, ինչը ամենաբարձր ցուցանիշն է ԵՄ-ում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենաշատ