News
Լրահոս
News
Ուրբաթ
Փետրվար 03
USD
395.53
EUR
393.43
RUB
6.42
Տեսնել լրահոսը

ՌԴ գլխավոր դատախազությունում տեղի է ունեցել Ռուսաստանի գլխավոր դատախազ Իգոր Կրասնովի, Ադրբեջանի գլխավոր դատախազ Քյամրան Ալիեւի եւ Հայաստանի գլխավոր դատախազ Աննա Վարդապետյանի հանդիպումը: Ողջունելով գործընկերներին՝ Կրասնովը շնորհակալություն է հայտնել եռակողմ ձեւաչափով մասնագիտական երկխոսությունը զարգացնելու փոխադարձ պատրաստակամության համար:

Նա նշել է Աննա Վարդապետյանի հետ անձամբ ծանոթանալու հնարավորությունը, որը վերջերս է ստանձնել պաշտոնը։

ՌԴ գլխավոր դատախազը նշել է, որ միջոցառումն ընթանում է 2020 թվականի նոյեմբերի եռակողմ համաձայնության զարգացման ուղղությամբ։ Դրանցում ընդգծվում են երեք երկրների ընդհանուր շահերը՝ ադրբեջանա-հայկական հարաբերությունների համալիր կարգավորում, Հարավային Կովկասի խաղաղության, կայունության, անվտանգության եւ կայուն տնտեսական զարգացման ապահովում։

«Նման մոտեցումը համարում եմ միակ գործուն միջոցը սահմանային հակամարտության կարգավորման հարցում»,-ասել է Կրասնովը։

«Անշուշտ, տեղային հակամարտություններն ու ճգնաժամները ոչ միայն ապակառուցողական ազդեցություն են ունենում աշխարհաքաղաքական իրադրության վրա, այլեւ հող են հանդիսանում հանցավորության տարածման, ահաբեկչության, ծայրահեղականության գաղափարների տարածման, ատելության եւ թշնամանքի մշակման համար»,-նշել է նա։ «Ցավոք, նման ապակառուցողական ազդեցության նկատմամբ հատկապես խոցելի է դառնում մեր երիտասարդ սերունդը»,-հավելել է նա։

«Որպես օրենքի իսկական ծառաներ՝ մենք պարտավոր ենք մարդկանց կյանքի եւ զարգացման համար նորմալ պայմաններ ապահովել՝ պաշտպանելով նրանց քրեական աշխարհի կործանարար ազդեցությունից»,-նշել է ՌԴ գլխավոր դատախազը:  

Իգոր Կրասնովը վստահություն է հայտնել, որ այսօրվա հանդիպումը եւս մեկ հաստատուն եւ վստահ քայլ կլինի այդ բարձր նպատակներին հասնելու ուղղությամբ։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանն օկուպացրել էր յոթ շրջանները, Ադրբեջանն էլ վերադարձրեց իրեն պատկանող հողերը. Լավրով
Հայաստանը երկար տարիներ իրեն էր պահում Ադրբեջանի շուրջ յոթ շրջանները...
«Դուք չեք պաշտպանել Արցախի տարածքային ամբողջականությունն ու անվտանգությունը»․ մտավորականների բաց նամակը՝ ԱՀ նախագահին
Մենք ընդամենը փաստ ենք արձանագրում, ներկայացնում ենք իրողությունը։ Ուզում...
Սկզբունքային համաձայնություն կա Իրանին ներգրավելու Թուրքիայի եւ Սիրիայի հետ շփումներին․ Լավրով
Ուստի ես տրամաբանական եմ համարում, որ թուրք-սիրիական հարաբերությունների կարգավորմանն ուղղված․․․
Կարմիր խաչի ներկայացուցիչները հունվարին այցելել են Ադրբեջանում գտնվող հայ գերիներին
Հանդիպման ժամանակ գերիները հեռախոսազրույց  են ունեցել իրենց ընտանիքի...
Արեւմուտքը կաջակցի Ադրբեջանի դիրքորոշումներին․ Ալեքսանդր Ռար
Ամբողջ Արեւմուտքը հաստատակամորեն որդեգրել է այն դիրքորոշումը, որ ազգային փոքրամասնությունների ինքնորոշման հարցը հետին պլան է մղվել...
ԵԽԽՎ բանաձևում ներառվել են հայկական պատվիրակության առաջարկները
Հիշեցնենք, որ ԵԽԽՎ-ում ՀՀ պատվիրակության անդամ, ԵԽԽՎ տեղական և տարածաշրջանային իշխանությունների հարցերով հիմնական զեկուցող Արմեն…
Ամենաշատ