Եվրասիական տնտեսական միության վիճակագրությունը կձեւավորվի ազգային արժույթներով, հաղորդում է Եվրասիական տնտեսական հանձնաժողովի մամուլի ծառայությունը։

Այս որոշումն ընդունվել է ԵՏՀ Կոլեգիայի նիստում։ Այժմ ԵԱՏՄ վիճակագրություն կազմելիս որպես միասնական հաշվարկային միավոր հնարավոր կլինի օգտագործել ոչ միայն ԱՄՆ դոլարը, այլեւ անդամ երկրների ազգային արժույթները։

«ԵՏՀ-ն ընթացիկ տարվա արդյունքների հիման վրա վիճակագրությունը կկարողանա ներկայացնել արդեն անդամ երկրների ցանկացած ազգային արժույթով, այդ թվում՝ ռուսական ռուբլով», - ասել է ԵՏՀ ինտեգրման և մակրոտնտեսության նախարար Սերգեյ Գլազեւը։