News
Լրահոս
News
Երեքշաբթի
Մարտ 19
Տեսնել լրահոսը

Իտալական Osservatoria Balcani e Caucaso վերլուծական հրատարակությունը հոդված է հրապարակել «Լեռնային Ղարաբաղ. կյանքը շրջափակման մեջ», որը պատմում է այն ծանր իրավիճակի մասին, որում հայտնվել է արցախահայերը։

«Լեռնային Ղարաբաղի ժողովուրդը Սուրբ Ծնունդն ու Ամանորն անցկացրել է ադրբեջանական շրջափակման մեջ, մի իրավիճակ, որը շարունակվում է շուրջ երկու ամիս։ Լեռնային Ղարաբաղը Հայաստանի հետ կապող միակ ճանապարհը՝ այսպես կոչված, Լաչինի միջանցքը, դեկտեմբերի 12-ից փաստացի արգելափակված է ադրբեջանական կազմակերպությունների ցուցարարների կողմից, որոնք իրենց բնապահպան են անվանում։

Մարդասիրական ճգնաժամը, որն առնչվել է Լեռնային Ղարաբաղի 120 000 բնակիչներին, այժմ ակնհայտ է եւ անընդհատ խորանում է՝ մանկական սննդի եւ հիմնական դեղամիջոցների անբավարարություն, դատարկ խանութներ, բանջարեղենի եւ մրգերի բացարձակ անբավարարություն, էլեկտրաէներգիայի եւ գազի մատակարարումների պարբերական կրճատումներ:

Ադրբեջանցի ցուցարարները, բնապահպանական պահանջներից հիման վրա փակել են ճանապարհը, բայց իրականում նրանք գտնվում են Բաքվից հեռակառավարման տակ, եւ նրանց կոչերը լիովին քաղաքական երանգ ունեն, այդ թվում՝ Լաչինի միջանցքում ադրբեջանական անցակետ ստեղծելու պահանջը, Լեռնային Ղարաբաղում Ադրբեջանի պետական կառույցների ներկայացուցիչների նշանակումը եւ այլն։

Լաչինի միջանցքը Լեռնային Ղարաբաղի մայրաքաղաք Ստեփանակերտը կապում է Հայաստանի Գորիս քաղաքի հետ եւ, ինչպես ամրագրված է 2020 թվականի նոյեմբերի 9-ին ստորագրված Հայաստան-Ռուսաստան-Ադրբեջան եռակողմ հռչակագրում, գտնվում է ռուս խաղաղապահների հսկողության տակ։ Այս ճանապարհը միակն է, որ կապում է Լեռնային Ղարաբաղը արտաքին աշխարհի հետ, ճանապարհ, որը տեղափոխում է հայ բնակչության կյանքի համար անհրաժեշտ ամենաբազմազան ապրանքներ։

«Չկա սնունդ, ոչինչ չկա։ Գիտե՞ք քանի խանութ եմ գնացել մի կտոր պանրի համար։ Թոռս պանիր ուզեց, տանը հիվանդ էր։ Էլ չեմ խոսում մրգերի ու քաղցրավենիքի մասին։ Դժվար է սնունդ ձեռք բերելը, ի՞նչ ենք անելու»,- ասում է Ստեփանակերտի բնակիչ Գայանե Պողոսյանը։

Մթերային խանութի աշխատակից Տոնյա Մուրադյանը հաստատում է, որ հունվարի սկզբից խանութում սննդամթերք գրեթե չի մնացել, միայն հյութեր ու ալկոհոլ։ Ստեփանակերտում Սուրբ Ծննդյան տոներից հետո փակ խանութների թիվն ավելացել է, թեեւ շատերն արդեն փակվել են 2022 թվականի վերջին։ Նույնիսկ նրանք, ովքեր մտնում են դեղատուն, հաճախ դատարկաձեռն են հեռանում»,- նշում է իտալական հրատարակությունը։

Հունվարի 9-ից ամբողջությամբ կամ մասնակիորեն փակվել է 41 մանկապարտեզ եւ 56 նախադպրոցական խումբ՝ շրջափակման պայմաններում պարենի դեֆիցիտի սրման պատճառով։ 6828 երեխաներ այլեւս չեն կարող հաճախել մանկապարտեզներ ու մսուրներ՝ զրկված լինելով պատշաճ խնամքից, սննդից եւ կրթություն ստանալու հնարավորությունից, ընդգծվում է հոդվածում։

«Տագնապալի հումանիտար ճգնաժամը մեղմելու նպատակով Լեռնային Ղարաբաղի խորհրդարանը քաղաքակիրթ աշխարհին կոչ է արել կոնկրետ քայլեր ձեռնարկել Ստեփանակերտի հետ միջանցքի բացման կամ օդային կամրջի առաջխաղացման ուղղությամբ։

Շրջափակման սկզբից բազմաթիվ երկրներ եւ միջազգային կազմակերպություններ դատապարտել են Ադրբեջանի գործողությունները եւ կոչ են արել վերացնել շրջափակումը։ Այս հարցը քննարկվել է նաեւ ՄԱԿ-ի Անվտանգության խորհրդի կողմից։ Մարդու իրավունքների եվրոպական դատարանն առաջարկել է Ադրբեջանին ձեռնարկել բոլոր անհրաժեշտ եւ բավարար միջոցները՝շրջափակումը վերացնելու համար։ Այս հարցը նույնպես շուտով կքննարկվի ՄԱԿ-ի միջազգային դատարանում (Հաագա)՝ Ռասայական խտրականության վերացման կոմիտեի աշխատանքի շրջանակներում»,- գրում է Osservatoria Balcani e Caucaso-ն։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանը 2023թ-ին փորձում էր ուշադրության կենտրոնում պահել Լեռնային Ղարաբաղի շրջափակման հարցը. ԱԳՆ
Արտգործնախարարը հավելեց, որ ՄԱԿ-ի մակարդակով հաղորդագրություններ ու նամակներ են հրապարակվել...
Բուենոս Այրեսի խորհրդարանն ընդունեց Ադրբեջանի կողմից ԼՂ-ի դեմ իրականացրած գործողությունները դատապարտող հայտարարություն
Հանրապետության կողմից հրադադարի համաձայնությունը խախտող…
Ադրբեջանը օկուպացրել է Հայաստանի 200 քառակուսի կմ տարածք. Ռուբինյանը ելույթ է ունեցել Բիշքեկում
Հայաստանի տարածքային ամբողջականության դեմ լայնածավալ ռազմական գործողությունների, ինչպես նաև Ադրբեջանի կողմից վերջին երեք տարիների...
Ադրբեջանը պետք է ապահովի ԼՂ հայերի՝ իրենց տներում արժանապատիվ ապրելու իրավունքը․ ԵԽ նախարարների կոմիտեի հայտարարությունը
Ադրբեջանը պետք է ապահովի Ղարաբաղի հայերի մարդու իրավունքները, հիմնարար ազատությունները և անվտանգությունը՝ ներառյալ…
ՄԱԿ. Էթնիկ հայերի զանգվածային տեղահանումը կապված է Ադրբեջանի ռազմական գործողության և 9-ամսյա շրջափակման հետ
Նրանց զեկույցում իրավացիորեն նշվում է այն տառապանքը, որը պետք է պատճառեր այս փորձը...
Կոռնիձորում հումանիտար կայան կհիմնվի՝ ԼՂ-ում ստեղծված ճգնաժամը հաղթահարելու համար
Որոշման հիմնավորման մեջ նշվում է, որ կայանի նպատակն է միջազգային կազմակերպությունների և օտարերկրյա խմբերի ջանքերը մեկտեղելը, հումանիտար...
Ամենաշատ