Եվրասիական տնտեսական միությունը (ԵԱՏՄ) գործում է համակարգված եւ արդյունավետ՝ չնայած արտաքին ճնշմանը եւ միջազգային բարդ իրադրությանը, հայտարարել է ՌԴ վարչապետ Միխայիլ Միշուստինը, հաղորդում է ՌԻԱ Նովոստին։
«Չնայած արտաքին ճնշմանը եւ միջազգային բարդ իրադրությանը՝ միությունը գործում է համակարգված եւ արդյունավետ՝ հիմնվելով փոխադարձ աջակցության եւ առաջացող խնդիրները ժամանակին լուծելու պատրաստակամության վրա։ Այս մոտեցումը մեզ թույլ է տալիս պահպանել կայունությունը եւ, իհարկե, շարունակել աշխատանքը հօգուտ մեր պետությունների քաղաքացիների»,- ասել է Միշուստինը հինգշաբթի ելույթ ունենալով Եվրասիական միջկառավարական խորհրդի նեղ կազմով նիստում։
Նա նշել է, որ Ռուսաստանը, որն այս տարի նախագահում է Միության մարմիններում, կապահովի ինտեգրացիոն կառուցմանն ուղղված ընթացքի շարունակականությունը։
Ռուսաստանի Դաշնության վարչապետը նաեւ նշել է, որ ԵԱՏՄ-ն զարգանում է վստահ եւ ցուցադրում իր արդյունավետությունն ու պահանջվածությունը։ Այսպիսով, ԵԱՏՄ-ի գոյության ընթացքում պետությունների միջեւ փոխադարձ առեւտրի բացարձակ ծավալն աճել է ավելի քան մեկուկես անգամ, աճում է բարձր ավելացված արժեքով ոչ հումքային ապրանքների առեւտուրը։
