Ռուսաստանի նախագահի խոսնակ Դմիտրի Պեսկովը մեկնաբանել է ԱՄՆ դեսպանատան հայտարարությունն այն մասին, որ Վրաստանում օտարերկրյա գործակալների մասին օրենքը ոգեշնչվել է Կրեմլից, հաղորդում է «Газета.ру»-ն։

Պեսկովի խոսքով՝ Մոսկվան այս դեպքում կապ չունի, իսկ նման օրենքների ներդրման պրակտիկայում առաջամարտիկը հենց ԱՄՆ-ն է։

Կրեմլի ներկայացուցիչը նաեւ նշել է, որ վրացական օրինագծի տարբերակներից մեկը նման էր ամերիկյան օրենքին, իսկ երկրորդն իր էությամբ շատ ավելի մեղմ էր, սակայն Ռուսաստանը ոչ մեկի, ոչ էլ մյուսի հետ կապ չունի: