Խաղաղության պայմանագրի բանակցություններում հիմնական դերակատարը Ռուսաստանն է։ Այս մասին այսօր խորհրդարանում լրագրողների հետ զրույցում ասաց ԱԺ նախագահ Ալեն Սիմոնյանը։
«Բոլոր տեղերից տարբեր միջնորդություններ կան, տարբեր խողովակներով տարբեր հարցեր են քննարկվում են։ Ինչ–որ հարցեր կան, որոնց անմիջականորեն Արցախի իշխանություններն են մասնակցում, խոսքը Արցախին վերաբերող հարցերն են։ Խաղաղության պայմանագրերի առաջարկները փոխանակվում են տարբեր խողովակներով, հիմնական ճանապարհը ռուսական կողմի միջոցով փոխանակումն է։ Հիմնական դերակատարը շարունակում է մնալ Ռուսաստանը, բայց նաեւ կան նախաձեռնություններ ԱՄՆ–ի կողմից, որոնք բավականին ակտիվ են, ինչպես նաեւ Ֆրանսիայի կողմից»,– ընդգծեց Ալեն Սիմոնյանը։
