Տղամարդը կրակ էր բացել եւ սպանվել է Թաիլանդի ոստիկանության հետ փոխհրաձգության հետեւանքով, տեղեկացրել է Bangkok Post-ը։

Հրաձգությունը տեղի է ունեցել Մուանգ շրջանի բնակելի համալիրում, չորեքշաբթի ցերեկը։ Հինգշաբթի վաղ առավոտյան տղամարդը սպանվել է  ոստիկանների կողմից։

29-ամյա ահաբեկիչ Անուվաթ Լեմթհոնգը կրակել է երեք մարդու եւ վիրավորել եւս երեքին, ներառյալ մեկ ոստիկանի։ Նա սկսել է անկանոն կրակել իր բնակարանի երկրորդ հարկի պատուհանից։

Ոստիկանության հարյուր աշխատակից շրջապատել է շենքը՝ փորձելով համոզել տղամարդուն հանձնվել, բայց դա չի հաջողվել։ Բանակցություններին միացել է նաեւ կրակողի մայրը, բայց՝ նույնպես ապարդյուն։

Սպանվել են 22-ամյա մի ուսանող, բեռնատարի մի վարորդ։

Վիրավորվել է ոստիկանության փոխգնդապետը, որը փորձում էր բանակցել ահաբեկչի հետ, 35-ամյա մի վարորդ նույնպես վիրավորվել է։

Երեկոյան ժամը 18.00-ին ահաբեկիչը շարունակում էր կրակել, բայց դեպքի վայր է ժամանել հատուկ նշանակության ոստիկանների խումբը։ Մի քանի ժամ անց նրանք ներխուժել են նրա տուն վաղ առավոտյան։

Լեմթհոնգին գնդակահարել են իր տան երկրորդ հարկում, գրոհն սկսելուց 14 րոպե հետո։

Պարզվել է, որ 2020թ. հրաձիգը անտառային ռեյնջեր է աշխատըել Թաիլանդի գյուղատնտեսության նախարարության ծառայությունում, բայց հանցագործության կատարման պահին գործազուրկ էր։

Նահանգապետը տեղեկացրել է, որ զոհվածների ընտանիքները փոխհատուցման օրինական իրավունք ունեն։