Ադրբեջանցի պատգամավորներն առաջարկում են «Ղարաբաղի հայերին լքել տարածքը»։
Միլի Մեջլիսի պատգամավոր Ջեյհուն Մամեդովը АПА-ին ասել է, որ «Ղարաբաղում ապրող հայերը պետք է հասկանան, որ երկու ճանապարհ ունեն։ Նրանք կամ պետք է համաձայնեն բնակվել Ադրբեջանի տիրապետության տակ եւ վերաինտեգրվել, կամ պետք է լքեն տարածքը։ Այստեղ երրորդ ճանապարհ չկա»։
Պատգամավոր Ագիլ Մամեդովը նաեւ մեջբերել է իր երկրի նախագահին. «Ինչպես նշել է Ադրբեջանի նախագահը, նրանք այլ ելք չունեն։ Նրանք կամ պետք է շարունակեն շփումները եւ ընդունեն վերաինտեգրման գործընթացը՝ դրսեւորելով կառուցողականություն այս հարցում, կամ հեռանան այս տարածքից։ Ստեղծված իրավիճակը հեռանկարներ չունի, իսկ խնդրի լուծման երրորդ ճանապարհ չկա»։
Հիշեցնենք, որ այս հրեշավոր միտքը պատգամավորները կրկնել են իրենց նախագահից հետո, որը ղարաբաղցիներին առաջարկել է կամ ընդունել Ադրբեջանի քաղաքացիություն, կամ հեռանալ։