Այս պահին կենդանաբանական այգում ունենք 145-ից ավելի տեսակներ՝ 720-ից ավելի առանձնյակով. Տարվա ընթացքում պայմանավորվածություններ ենք ձեռք բերել նոր կենդանիներով համալրելու՝ փոխանակումների ձեւով, առանց լրացուցիչ ֆինանսական ներդրումների անհրաժեշտության: Այս մասին այսօր՝ մայիսի 1-ին լրագրողների հետ զրույցում նշեց կենդանաբանական այգու տնօրենի պաշտոնակատար Աշոտ Ասլանյանը:
«Ընդհանրապես, Եվրոպական կենդանականական այգիներում արգելվում է կենդանիների առքուվաճառքը, փոխարենը կա կենդանիների փոխանակման պրակտիկա: Օրինակ, մտադիր ենք բերել սպիտակապոչ գնու, աֆրիկյան 1-2 անտիլոպներ, բորենիանման շներ»,-ասաց նա:
Հարցին, թե վերջին շրջանում ի՞նչ կենդանատեսակների անկման դեպքեր են եղել, տնօրենի պաշտոնակատարը պատասխանեց. «Կենդանիների անկումը բնական պրոցես է բոլոր կենդանաբանական այգիների համար: Կենդանաբանական այգիների համար մոտավորապես 10 տոկոս անկումը համարվում է նորմայի սահմաններում, քանի որ կենդանիները ծերանում են, հիվանդանում են, որոնք հնարավոր չէ բուժել: Նաեւ արուների միջեւ մրցակցության արդյունքում եւս վնասվածքներից կենդանիները կարող են մահանալ:
Անցած տարի մեզ մոտ անկումները 7 տոկոսի էլ չեն հասել: Շատ ուրախ ենք, որ այս տեսակետից բավականին նորմալ մակարդակի վրա ենք»:
Ինչ վերաբերում է 4-5 անգղերի անկմանը, նա միայն ասաց, որ դա եղել է 2022-ի սկզբին, մինչեւ իմ կենդանաբանական այգի տեղափոխվելը: