![](img/news/75/99/41/default.jpg)
Մոլդովայի խորհրդարանի նախագահ Իգոր Գրոսուն որոշում է ընդունել նախաձեռնել ԱՊՀ միջխորհրդարանական վեհաժողովի դուրս գալու գործընթաց։ Այս մասին նա լրագրողներին տեղեկացրել է ճեպազրույցի ընթացքում։
«Որոշում եմ ընդունել նախաձեռնել գործընթաց ԱՊՀ միջխորհրդարանական վեհաժողովի մասին համաձայնագրից Մոլդովայի Հանրապետության դուրս գալու վերաբերյալ»,- ասել է Գրոսուն։
Խորհրդարանի նախագահն ԱՊՀ-ն անվանել է «անօգտակար» կառույց Մոլդովայի համար։
Այս որոշումը, նրա խոսքով, ընդունվել է երկրի քաղաքացիների, կառավարող «Գործողություն եւ արդարություն» կուսակցության ներկայացուցիչների, ինչպես նաեւ նախագահ Մայա Սանդուի հետ խորհրդակցություններից հետո։
Մայիսի 11-ին Մոլդովայի խորհրդարանի նախագահ Իգոր Գրոսուն հայտարարել էր, որ խորհրդարանականները հավանություն են տվել երկրում «Միր» հեռուստաընկերության աշխատանքի մասին համաձայնագրից դուրս գալուն։ Վեց հեռուստաալիքների («РТР-Молдова», «Первый в Молдове», «НТВ-Молдова», «Акчент-ТВ», «ТВ-6», «Орхей-ТВ») լիցենզիաների գործունեությունը դադարեցվել է։