Անկլավների հարցը միշտ է եղել, բայց ակնհայտ է, որ այս հարցը սիմետրիկ է եւ այս հարցի լուծումը պետք է նայել խաղաղության պայմանագիր ստորագրելու համատեքստում, թե որքանով այս հարցի լուծումը կնպաստի այդ խաղաղության հարատեւմանը: Այս մասին NEWS.am-ի հետ զրույցում նշեց ԱԺ ՔՊ-ական պատգամավոր Հովիկ Աղազարյանը:
«Հարցը սիմետրիկ է, մոտավորապես 10 քառակուսի կմ-ի ճշտությամբ տարածքային իմաստով էլ հավասարազոր են: Կլինի փոխանակում, թե կմնա այնպես, ոնց որ կա, նաեւ դրանով պետք է պայմանավորվի ստորագրվելիք խաղաղության պայմանագրի հարատեւությունը»,-ասաց նա:
Հարցին, թե անկլավների հետ կապված որ սցենարն է առավել հավանական, Աղազարյանը պատասխանեց. «Կարծում եմ՝ ամենահավանական սցենարն այն է, որ թողնենք այնպես, ինչպես որ կա: Այսինքն այս դեպքում կարող է պատահել, որ 29 800-ը դառնա 29 810 քառակուսի կմ, կամ հակառակը դառնա 29 790 քառակուսի կմ»,-
Նրա խոսքով, դա նշանակում է, որ Արծվաշենն իրենց մնա, իսկ Տիգրանաշենը եւ մյուս անկլավները՝ Հայաստանին. «Դա ավելի կայուն վիճակ է, քան ցանկացած այլ լուծում: Կարծում եմ՝ պետք չի լրացուցիչ լարվածության օջախներ ստեղծել»:
