ՀՀ քննչական կոմիտեն 2023 թվականի առաջին եռամսյակում քննել է 69 088 քրեական գործ: Այս մասին այսօր՝ հունիսի 2-ին, ԱԺ մշտական հանձնաժողովների համատեղ նիստում 2022 թվականի պետական բյուջեի կատարողականի հաշվետվության քննարկման ժամանակ ասաց ՔԿ նախագահ Արգիշտի Քյարամյանը։  

Նրա խոսքով՝ 2022 թվականին այդ ցուցանիշը կազմել է 59 830, 2021 թվականին՝ 41 883։

«Մեկ քննիչին տարեկան միջինում բաժին է ընկնում ավելի քան 110 քրեական գործ։ 2021 թվականին այդ ցուցանիշը կազմել է ավելի քան 80։ Այս աճը պայմանավորված է քրեական օրենսգրքի փոփոխություններով։ Մասնավորապես, քրեական գործերն այլեւս չեն կասեցվի»,-հայտնեց Քյարամյանը։  

Ընդ որում, ինչպես նշեց Քյարամյանը, ընթացիկ տարում մեղադրական եզրակացություններով դատարան է ուղարկվել 1304 քրեական գործ:

«2022 թվականի ընթացքում մեղադրական եզրակացություններով դատարան է ուղարկվել 4798 քրեական վարույթ  5360 քաղաքացու նկատմամբ։ Կարճվել է 15 310 քրեական վարույթ»,-ասաց Քյարամյանը։