Թուրքիայի նոր գումարման խորհրդարանի ղեկավարի ընտրությունները տեղի կունենան չորեքշաբթի, սակայն հավանական է, որ նա կընտրվի միայն երրորդ փուլում։ Այս մասին երկուշաբթի ТАСС-ին հայտնել է Անկարայի քաղաքական շրջանակների աղբյուրը։
«Առաջին երկու փուլով խորհրդարանի ղեկավար ընտրելու համար անհրաժեշտ է նրա օգտին առնվազն 400 ձայն։ Իշխող «Հանրապետական դաշինք»-ը 600-տեղանոց խորհրդարանում ստացել է 323 մանդատ, սակայն դա բավարար չի լինի իր ներկայացուցչին ընտրելու համար։ Ուստի անհրաժեշտ կլինի երրորդ փուլ, երբ խոսնակ ընտրելու համար կպահանջվի առնվազն 301 ձայն»,- ասել է գործակալության զրուցակիցը։
Թուրքիայի Մեջլիսի նախագահի ընտրությունը կանցկացվի փակ քվեարկությամբ։
Իշխող դաշինքից Անկարայում Թուրքիայի խորհրդարանը գլխավորելու ամենահավանական թեկնածուն իշխող «Արդարություն և զարգացում» կուսակցության փոխնախագահ Նուման Քուրթուլմուշն է։
