News
Լրահոս
News
Երեքշաբթի
Սեպտեմբեր 26
USD
387.71
EUR
410.74
RUB
4.03
Տեսնել լրահոսը

Օրենսդրական նախաձեռնությամբ առաջարկվում է սահմանել, որ սահմանափակ պատասխանատվությամբ ընկերությունն իրավունք ունի ոչ հաճախ, քան եռամսյակը մեկ անգամ, իրականացնել իր շահույթի բաշխում ընկերության մասնակիցների միջեւ: ԱԺ տնտեսական հարցերի մշտական հանձնաժողովի` հունիսի 7-ի նիստում առաջին ընթերցմամբ քննարկվել է ««Սահմանափակ պատասխանատվությամբ ընկերությունների մասին» օրենքում փոփոխություն կատարելու մասին» օրենքի նախագիծը:

Հիմնական զեկուցող, ՀՀ էկոնոմիկայի նախարարի տեղակալ Ռաֆայել Գեւորգյանը նշել է, որ ներկայումս գործող կարգավորման համաձայն շահույթի բաշխումը կարող է իրականացվել տարեկան մեկ անգամ, ինչը սահմանափակում է ձեւավորված շահույթն ընկերության մասնակիցների մեջ բաշխելու հնարավորությունը` դրանով իսկ խոչընդոտելով ՓՄՁ սուբյեկտների կողմից իրենց մասնակիցներին օրինական կարգով շահույթի մասը վճարելուն:

Նշվել է, որ օրինագծի ընդունմամբ ընկերությունների համար կստեղծվի ձեւավորված շահույթն իր մասնակիցների միջեւ առավել հաճախ բաշխելու հնարավորություն, որը համապատասխանում է միջազգային փորձին եւ ընդունված գործարար սովորույթներին:

Ըստ Ռաֆայել Գեւորգյանի՝ հարցը քննարկվել է փոքր ու միջին ձեռնարկատիրության ներկայացուցիչների հետ, որոնք դրական են արձագանքել:

Քննարկման արդյունքում նախագիծը ստացել է դրական եզրակացություն:

Մինչեւ երկու ամիս ժամկետով հետաձգվել են երկրորդ ընթերցմամբ քննարկման ներկայացված «Պետական գույքի մասնավորեցման 2017-2020 թվականների ծրագրի կատարման 2022 թվականի տարեկան հաշվետվությունը հաստատելու մասին» օրենքի նախագիծը եւ ««ՀՀ ընդերքի մասին» օրենսգրքում լրացումներ կատարելու մասին» եւ «Վարչական իրավախախտումների վերաբերյալ օրենսգրքում լրացում կատարելու մասին» նախագծերի փաթեթը:

Հիշեցնենք, որ վերջին հարցն ԱԺ նախորդ լիագումար նիստում հիմնական զեկուցող, ՀՀ տարածքային կառավարման եւ ենթակառուցվածքների նախարարի տեղակալ Հովհաննես Հարությունյանի առաջարկով տեղափոխվել էր առաջին ընթերցման փուլ՝ լրամշակման նպատակով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
2023-ի հունվար-օգոստոսին տնտեսական ակտիվության ցուցանիշը կազմել է 10,4 տոկոս
ՀՀ էկոնոմիկայի նախարարությունը հրապարակել է 2023 թվականի հունվար-օգոստոսի մակրոտնտեսական օպերատիվ ցուցանիշները...
Դոլարն ու եվրոն թանկացել են
ԱՄՆ դոլարի փոխարժեքն այսօր՝ սեպտեմբերի 25-ին, կազմել է...
Ֆիննախ․ Հայաստանի պետական պարտքը 2023 թվականի հունիսի 30-ի դրությամբ կազմել է ավելի քան 11 մլրդ դոլար
Նրա խոսքով՝ դրամային արտահայտմամբ պետական պարտքը 2023 թվականի առաջին կիսամյակում աճել է 2,5%-ով․․․
2023թ. 1-ին կիսամյակում 12-ամսյա գնաճը կտրուկ դանդաղել է՝ հունիսին հասնելով -0,5 տոկոսի. ֆիննախ
2023թ. առաջին կիսամյակում գնաճը կտրուկ դանդաղել է...
Կապանի «Սյունիք» օդանավակայանը կարող է սպասարկել միջազգային կանոնավոր չվերթեր․ «Հետք»
Կապանի «Սյունիք» օդանավակայանը Օդային տրանսպորտի միջազգային…
2023թ. առաջին կիսամյակում երկրում գրանցվել է տնտեսական ակտիվության 11,4 տոկոսի աճ
Հայաստանում 2023թ. առաջին կիսամյակում գրանցվել է տնտեսական ակտիվության աճ...
Ամենաշատ