Թուրքիայի անվտանգության ուժերը գործողություն են սկսել երկրում արգելված Քուրդիստանի աշխատավորական կուսակցության (ՔԱԿ) դեմ 18 նահանգներում, ձերբակալվել է 90 կասկածյալ, գրել է Yeni Şafak կառավարամետ թերթը։

«Ազգային հետախուզական կազմակերպությունը (MİT) եւ անվտանգության ուժերը սկսել են «Քնած օղակ» գործողությունը 18 նահանգներում, կենտրոնը՝ Շանլըուրֆայում, ՔԱԿ անջատողական ահաբեկչական կազմակերպության դեմ։ Ներկա պահին գործողության շրջանակում ձերբակալվել է մոտ 90 կասկածյալ»,- գրել է պարբերականը։

Թուրքիայի ՆԳՆ ղեկավար Ալի Երլիքայան անցած կիրակի տեղեկացրել է ահաբեկչության փորձի մասին Անկարայի կենտրոնում, նախարարության շենքի մոտ, մեկ ահաբեկիչ պայթեցրել է իրեն, մյուսը չեզոքացվել է։ Ինչպես տեղեկացրել է A Haber հեռուստաալիքը, Թուրքիայում արգելված ՔԱԿ-ը ստանձնել է ահաբեկչության փորձի պատասխանատվությունը։ Թուրքիայի ազգային պաշտպանության նախարարությունը այս իրադարձություններից հետո տեղեկացրել է օդային հարվածների մասին, որոնք հասցվել են ՔԱԿ գրոհայինների օբյեկտներին Իրաքի հյուսիսում, տեղեկացվել է նաեւ գրոհայինների 20 օբյեկտների ոչնչացման մասին։