Mansory ատելյեն յուրօրինակ Rolls-Royce Cullinan է կառուցել աշխարհի լավագույն դիջեյի համար, գրում է Motor-ը։
Թյունինգ ատելյեն, որը համաշխարհային համբավ է ձեռք բերել ամենաթանկ և բացառիկ մեքենաների վրա իր աղաղակող նախագծերի շնորհիվ, ներկայացրել է իր ուժերով լրամշակած Rolls-Royce Cullinan քրոսովերներից մեկը: Ընդ որում, ուշագրավն այս կոնկրետ նախագծում ոչ թե ինքնին մեքենան է, այլ դրա սեփականատերը. գերմանացի թյուներները հազվադեպ են նշում իրենց հաճախորդների անունները, սակայն այս անգամ նրանք դա չեն թաքցրել:
Մեքենան պատվիրել է հոլանդացի երաժիշտ Տիեստոն, որը բազմիցս աշխարհի լավագույն դիջեյ է ճանաչվել։
Սակայն Mansory-ն չի հրապարակել ոչ մի լուսանկար, որտեղ մեքենայի սրահն ամբողջությամբ է պատկերված։