Հայ-ադրբեջանական բանակցային գործընթացում մի շարք կետեր համաձայնեցված են, մի քանիսն էլ դեռ համաձայնեցված չեն, եւ ինչ էլ այստեղ խոսենք, յս կամ այն մկարդակում ամեն ինչ քննարկված կլինի: Այս մասին այսօր՝ դեկտեմբերի 11-ին, ԱԺ-ում լրագրողների հետ զրույցում նշեց ԱԺ ֆինանսավարկային և բյուջետային հարցերի մշտական հանձնաժողովի նախագահ, ՔՊ-ական պատգամավոր Գեւորգ Պապոյանը:
Անդրադառնալով ադրբեջանցի փախստականների ՀՀ հնարավոր վերադարձի թեմային, նա ասաց. «Հայաստանի դիրքորոշումը հետեւյալն է՝ ամեն ինչ պետք է տեղի ունենա փոխադարձ: Եթե ինչ-որ մի բան չի լինելու մեզ համար, ուրեմն Ադրբեջանի համար էլ չի լինելու: Այս կոնտեքստում, ես կարծում եմ՝ լավագույն տարբերակը պետք է լինի այս ստատուս քվոյի պահպանումը, այսինքն ոչ գալ, ոչ գնալ: Հետագայում, երբ իրապես իմ նշած խաղաղության մթնոլորտի ժամանակները գան, եւ այդ հնարավորությունը լինի, ես կարծում եմ՝ ոչ մեծ քանակով, սահմանափակ քանակով մարդիկ միգուցե օգտվենիրենց այդ իրավունքից: Բայց դա չի լինելու կազմակերպված գործընթաց: Լավագույն լուծումն այն է, որ այս ստատուս քվոն պահենք»,-ասաց Պապոյանը:
