Չնայած հետխորհրդային տարածքում իր կործանարար գծի շոշափելի ձախողումներին, Արևմուտքը չի հրաժարվում ԱՊՀ երկրների գործերին կոպտորեն միջամտելու սովորությունից, որպեսզի նրանց բաժանեն, զրկեն քաղաքական կամքից և տնտեսական ներուժից, թույլ չտան Եվրասիայում ձևավորել ուժի այլընտրանքային կենտրոն, որը կարող է մարտահրավեր նետել արևմտյան թուլացող հեգեմոնիային։ Այս մասին Մինսկում ընթացող ԱՊՀ անդամ պետությունների անվտանգության մարմինների և հետախուզական ծառայությունների ղեկավարների 19-րդ հանդիպմանը հայտարարել է ՌԴ Արտաքին հետախուզության ծառայության (ՀՀԾ) տնօրեն Սերգեյ Նարիշկինը, փոխանցում է ՏԱՍՍ-ը։
Նարիշկինի խոսքով, «չունենալով ուժ, ինչպես նախկինում, ուղղակիորեն գործելու, այսպես կոչված, հումանիտար միջամտությունների միջոցով, Արևմտյան բլոկը օգտագործում է հիբրիդային պատերազմի մեթոդներ, որոնք ազդում են պետության և հասարակության կյանքի բառացիորեն բոլոր ոլորտների վրա»:
Նա նաև նշել է, որ Բելառուսը բազմիցս իր վրա անթաքույց ագրեսիա է զգացել ԱՄՆ-ի գլխավորած արևմտյան բլոկի կողմից, «որը, հավանաբար, ատում է Մինսկի նման անզիջում քաղաքականությունը՝ պաշտպանելու իր պետության և իր քաղաքացիների շահերը»:
Նարիշկինը առանձնահատուկ մտահոգություն է հայտնել՝ կապված էթնիկ անջատողականության և այլատյացության տրամադրություններ հրահրելու միջոցով ԱՊՀ երկրների գործող իշխանության համակարգերը խաթարելու արևմտյան երկրների աճող փորձերի առնչությամբ։