Renault 5 E-tech էլեկտրամեքենայի արտաքինն արդեն գաղտնիք չէ, դրա լուսանկարները հայտնվել են Մտավոր սեփականության համաշխարհային կազմակերպության (WIPO) տվյալների շտեմարանում։
Ինչպես տեղեկացրել է Drom.ru-ն, Renault 5 E-tech-ի արտադրության համար նախատեսված տարբերակը կրկնօրինակում է այն մակետը, որը ցուցադրվել էր երկու տարի առաջ եւ հիացական արձագանքների էր արժանացել։
Renault 5 E-tech-ը հինգ դռնանի հեչբեք է, որի երկարությունը չորս մետր է։ Նախորդ տարբերակների նման՝ այն ունի թափք՝ անվի «անկյուններով», հորիզոնական տանիք, ապակե մեծ տարածք։
Ապրանքային շոու-մեքենան կունենա ռադիատորի ավելի մեծ մակերես, առջեւի դռան շարժական բռնակի փոխարեն կլինի հեռավար կառավարում, կողային հայելիները կմեծացնեն մակերեսը։
Renault 5 E-tech-ը կառուցվել է CMF-B արդիականացված պլատֆորմի հիման վրա, որն ընկած է ժամանակակից կոմպակտ Renault եւ Nissan մեքենաների հիմքում։
Սերիական Renault 5 E-tech-ն առաջին անգամ կներկայացվի 2024թ. փետրվարի 26-ին։