![](img/news/79/95/04/default.jpg)
Գիտնականների միջազգային խումբը, որը գործել է Էդինբուրգի համալսարանի արտակարգ պայմանների գիտության կենտրոնի հովանու ներքո, հայտարարել է զարմանալի հայտնագործության մասին։ Հետազոտողները սինթեզել են նյութ, որի ամրությունը գերազանցում է բորի խորանարդ նիտրադը, որը երկրորդն է ամենաամուր նյութերի շարքում, տեղեկացրել է «Տեխկուլտը»։ Նոր նյութի հիմքում ընկած է ածխածնի նիտրիդը։
Խմբի գիտնականներից Դոմինիկ Լանիելը հայտնել է, որ հայտնագործությունը շատ կարեւոր է բարձր ճնշմամբ նյութերի սինթեզի եւ արդյունաբերությունում դրանց կիրառման համար։
Նշվել է Բայրոյթի համալսարանի (Գերմանիա) եւ Լինչեպինգի համալսարանի (Շվեդիա) անգնահատելի օգնությունը փորձագետներին։ Հետազոտողները նոր նյութը ենթարկել են 70-135 գիգապիկսել ճնշման՝ միաժամանակ այն տաքացնելով մինչեւ 1 500 աստիճան եւ ավելի։ Ատոմների ստացված համադրությունները հետազոտվել են Սինքրոտրոն հետազոտությունների Եվրոպական կենտրոնում (Ֆրանսիա), Գերմանական էլեկտրոնային սինքրոտրոնում եւ ԱՄՆ ֆոտոնների կատարելագործված աղբյուրում։
Ստացված նյութերը կարող են կիրառվել ամենատարբեր ոլորտներում՝ պաշտպանական ծածկեր տիեզերական ճյուղի համար, զգայուն ֆոտոդետեկտորներ եւ կտրող գործիքներ։ Ածխածնի նիտրիդի միացությունները ունեն նաեւ ֆոտոլյումինեսցենցային եւ պյեզոէլեկտրական հատկություններ եւ կարող են կուտակել մեծ քանակությամբ էներգիա զանգվածի ոչ մեծ քանակությունում։