16-ամյա վերականգնումից հետո վերաբացվել է հնամենի դասական ամենակարևոր հուշարձաններից մեկը` պալատը, որում Ալեքսանդր Մակեդոնացին թագադրվել է, հայտնում է BBC- ն:
Այգայ պալատը, որը գտնվում է Հունաստանի հյուսիսային նավահանգստային Սալոնիկ քաղաքի մոտ, կառուցվել է ավելի քան 2300 տարի առաջ:
Հետագայում այն ավերվել է հռոմեացիների կողմից, իսկ 19-րդ դարում այն հայտնաբերել են պեղումների ժամանակ։
Դրա վերակառուցումն արժեցել է ավելի քան 20 միլիոն եվրո։ Եվրամիությունն իր ներդրումն է ունեցել վերակառուցման գործում։
Ուրբաթ օրը հուշարձանի բացման արարողությանը ներկա գտնվող Հունաստանի վարչապետ Կիրիակոս Միցոտակիսը այն անվանել է «համաշխարհային նշանակության հուշարձան»:
Կիրակի պալատը կվերաբացվի այցելուների համար։