Հունվարի 18-ին Մոսկվայում տեղի է ունեցել Հավաքական անվտանգության պայմանագրի կազմակերպության գլխավոր քարտուղար Իմանգալի Տասմագամբետովի և Անկախ Պետությունների Համագործակցության անդամ պետությունների հակաահաբեկչական կենտրոնի ղեկավար Եվգենի Սիսոևի աշխատանքային հանդիպումը։

Ինչպես հայտնում է ՀԱՊԿ մամուլի ծառայությունը, հանդիպմանը քննարկվել են փոխգործակցության հարցեր, նախանշվել են ապագայի անելիքները։

Կողմերը համագործակցության հուշագիր են ստորագրել Հավաքական անվտանգության պայմանագրի կազմակերպության քարտուղարության և Անկախ Պետությունների Համագործակցության անդամ երկրների Հակաահաբեկչական կենտրոնի միջև։