Գերմանական Volkswagen ընկերությունը ներկայացրել է նորացված 8-րդ սերնդի Golf-ը։ Այս մասին հայտնում է բրենդի մամուլի ծառայությունը։
Նոր արտադրանքը տարբերվում է նախնական ռեստիլինգային մոդելից փոփոխված լուսարձակներով, առջևի բամպերով և բրենդի լուսավորված տարբերանշանով: Ներսում առջևի վահանակն ունի նոր էկրան՝ 10,4-ից 12,9 դյույմ չափերով: Բացի այդ, հայտնվել է ներկառուցված ChatGPT մեդիա համակարգ։ Ղեկի սենսորային կոճակները փոխարինվել են պարզ ստեղներով։
Հավելյալ վճարի դիմաց գնորդը կարող է տեղադրել IQ.Light մատրիցային լուսարձակներ։ Բացի այդ, կա սմարթֆոնից ավտոմատ կայանումը կառավարելու ֆունկցիա։
Թարմացված Golf-ի գնորդներին հասանելի կլինեն ինը տարբեր տեսակի շարժիչներ՝ հիբրիդային, բենզինային և դիզելային տուրբո շարժիչներ:
Առաջին արտադրության Volkswagen Golf-ը հավաքվել է Վոլֆսբուրգի գործարանում 1974 թվականի մարտի վերջին:
