Exoil Group հոլդինգի սեփականատեր Կարեն Վանեցյանը РБК-ին հայտնել է, որ ազատության մեջ է։
«Ես ազատ եմ, ամեն ինչ լավ է, գրասենյակն աշխատում է, ամեն ինչ նորմալ է»,- ասաց նա։
Վանեցյանը նշել է, որ ձերբակալություն չի եղել։
Ավելի վաղ, ՆԳՆ-ին և ոստիկանության տարածքային բաժնին մոտ կանգնած РБК-ի աղբյուրները հայտնել էին, որ Վանեցյանը Մոսկվայի կենտրոնում բերման է ենթարկվել։ Գործարարը Հայաստանում հետախուզվում է Զանգեզուրի գործարանի բաժնետոմսերի ձեռքբերման պատճառով փողերի լվացման գործով։
Նախկինում ձեռնարկատիրոջ փաստաբանները նույնպես հայտնել էին, որ Վանեցյանն ազատության մեջ է։
