Պուտինի հայտնաբերված նստավայրը գտնվում է Ռուսաստանի հյուսիս-արևմուտքում՝ Կարելիայում, Ֆինլանդիայի հետ սահմանից ընդամենը 30 կմ հեռավորության վրա: Պալատի գոյության մասին հայտնի է դեռ 2016 թվականից, սակայն մինչ այժմ այն չի ցուցադրվել լուսանկարներով կամ տեսանյութերով։ Այս մասին գրում է Bild-ը։

Բնակավայր կարելի է հասնել միայն նավով կամ ուղղաթիռով, նրա վայրէջքի վայրը գտնվում է հսկայական շենքի հետևում: Տեղի բնակիչները լրագրողներին պատմել են, որ Պուտինը տարին առնվազն մեկ անգամ այցելում է Կարելիայում գտնվող իր պալատը։ Ըստ Dossier Center-ի՝ ՌԴ նախագահի նստավայրը բաղկացած է երեք հիմնական շինություններից, որոնք շատ ժամանակակից տեսք ունեն։ Պաշտոնապես շինությունները քողարկված են «ձկնորսական խրճիթ», «գոմ» և «այգեգործական տուն» անուններով։

Անօդաչու թռչող սարքի կադրերում երևում է նաև ձկնաբուծարան, որի արտադրանքը հավանաբար Պուտինի այցելությունների ժամանակ տեղ է գտնում նրա ճաշացանկում: Հիմնական շենքում տեղակայված է 200 քմ մակերեսով ճաշասենյակ։ Բնակավայրի տարածքում կա նաև չորս մետրանոց ջրվեժ։

Անվտանգության դաշնային ծառայության աշխատակիցները շուրջօրյա հսկում են պալատի մոտ գտնվող տարածքը։ Երբ Պուտինն գալիս է նստավայր, պաշտպանությունը զգալիորեն ուժեղանում է։