![](img/news/80/63/64/default.jpg)
Եթովպիան շուտով կարող է դառնալ ամենահանրահայտ վայրը կրիպտոարժույթի չինական մայներ-ընկերությունների աշխատանքի համար։ Դա կապված է երկրում էլեկտրաէներգիայի շահեկան գների հետ, որոնք աշխարհում ամենացածրներից մեկն են՝ այստեղ Աֆրիկայում ամենախոշոր հիդրոէլեկտրակայանի շահագործվելուց հետո, տեղեկացրել է Bloomberg գործակալությունը։
«Չինական մայներների համար Եթովպիան կդառնա ամենահանրահայտ ուղղությունը»,- ասել է Չինական թվային մայնինգի ասոցիացիայի հիմնադիր Նո Սյույը։ Երկրի գլխավոր առավելությունը ճյուղի փափուկ պետական կարգավորումն է եւ էլեկտրականության ցածր գները, նշել է Bloomberg-ը։
Կրիպտոարժույթի արտադրման սարքավորումը պահանջում է մեծ ծավալի էլեկտրականություն, էներգիայի ծախսերը կարող են կազմել մայներների բոլոր ծախսերի 80 տոկոսը։ Քեմբրիջի համալսարանի գնահատմամբ՝ 2023թ. միայն բիթքոինի մայնինգի համար ընկերությունները գլոբալ ծախսել են մոտ 121 տերավատ-ժամ, այդ ծավալը համադրելի է Արգենտինայի էլեկտրաէներգիայի սպառման հետ։ Որոշ երկրների կառավարությունները փորձում են սահմանափակել կրիպտոարժույթի արտադրությունը էնեգետիկ անվտանգության սպառնալիքների պատճառով։ Օրինակ, 2013թ. Չինաստանի Ժողովրդական բանկը (ԿԲ) արգելել է ֆինանսական կազմակերպություններին իրականացնել կրիպտոարժույթով գործառնություներ, վաճառել այդ ակտիվները եւ ունենալ դրանցից։ Մայնինիգի լիակատար արգելքը երկրում մտցվել է 2021թ.։
Եթովպիայի իշխանությունները, հակառակը, 2022թ. թույլ են տվել կրիպտոարժույթի արտադրումը։ Էլեկտրականության վճարները հանձվում են արտարժույթով, ինչը թույլ է տալիս կառավարությանը փոխհատուցել դրանց դեֆիցիտը։ Արդյունքում՝ ընդամենը մեկ տարում երկիրը բարձրացել է երկրորդ տեղն աշխարհում (Տեխասի նահանգից հետո) մայնինգային սարքավորման գնումների ծավալով։ Bloomberg-ի գնահատականներով՝ աֆրիկյան երկրի էներգետիկ համալիրի զարգացումը մի քանի տարվա ընթացքում կարող է ապահովել առաջատար տեղ նրա համար թվային արժույթի արտադրման ճյուղում։