Ցեղասպանվելու մեջ մեր մեղքն էլ կա։ Այս մասին այսօր՝ փետրվարի 8-ին, լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Խաչատուր Սուքիասյանը՝ պատասխանելով հարցին արդյո՞ք Հայաստանը Ցեղասպանության ճանաչման պահանջատիրությունից հրաժարվում է։
«Ցեղասպանությունից ո՞վ է հրաժարվում։ Նախ ցեղասպանությունը, որն իրագործվել է, աշխարհի ամենախայտառակ բանն է, որ մեր նման ժողովրդին կարողացել են այդ աստիճան կոտորել։ Այդտեղ մեր մեղքն էլ կա, որ չենք կարողացել կազմակերպվել և մեզ պահել։ Եվ դա մեզ պետք է դաս լինի ոչ թե դաս լինի, որ մենք լացենք, այլ դաս լինի, որ մենք ուժեղանանք, որ ապագայում մեր սերունդները ոչ մի անգամ նման իրավիճակում չհայտնվեն։ Ինձ պետք չի, թե ով ինչ կճանաչի, ինձ պետք է, որ ես ուժեղ լինեմ»,- նշեց Սուքիասյանը։
Նրա խոսքով՝ Ցեղասպանության ճանաչումը քաղաքական առևտուր է․ «Մեզ պետք է հզոր պետություն։ Երբ ինքը ունենում է քաղաքական խնդիր, այդ դեպքում է ճանաչում»։
