Անվտանգության խորհրդի ղեկավարի տեղակալ Դմիտրի Մեդվեդեւը հայտնել է, որ ոչ մի լավ բան ասել չի կարող Ալեքսեյ Նավալնու մասին, իսկ վատ բան չի ասի։ Այսպես է նա արձագանքել Յամալի գաղութում Նավալնու մահվանը ռուսական ԶԼՄ-ների լրագրողների հետ հանդիպման ժամանակ, գրել է «Лента.ру»-ն։
«Ինչպես մեզ մոտ ընդունված է ասել, մահացածների մասին կամ լավն են ասում, կամ ոչինչ չեն ասում։ Ոչ մի լավ բան նրա մասին ասել չեմ կարող, վատ բան չեմ ասի։ Եթե կան կողմնակիցներ, դե ինչ, դրա հետ պետք է հաշվի նստել, վայց չչափազանցել այդ գործոնը։ Այժմ երկիրն այլ բանով է ապրում»,- ասել է Մեդվեդեւը։
Նա ավելացրել է, որ Ռուսաստանում այժմ ոչ ոք չի պայքարում Նավալնու դեմ, որովհետեւ նա արդեն ողջ չէ։ Մեկնաբանելով նրա հիշատակին կողմնակիցների դրած ծաղկեսպսակները՝ Մեդվեդեւը ավելացրել է, որ դա քրեական հանցագործություն չէ, նույնիսկ վարչական խախտում էլ չէ։
