Հայաստանի ներկայացուցիչները չեն գնացել Բելառուս՝ որպես դիտորդ մասնակցելու երկրի խորհրդարանական ընտրություններին, «ՌԻԱ Նովոստի»-ին ասել է ՀԱՊԿ ԽՎ առաքելության համակարգող Ալիշեր Էրբաեւը։
«ՀԱՊԿ-ից դիտորդներ են եկել գրեթե բոլոր երկրներից, բացի Հայաստանից։ Ինչպես գիտեք, ՀԱՊԿ ԽՎ-ն կոլեգիալ մարմին է, եւ նրանք պետք է ներկա լինեին նման հասարակական-քաղաքական միջոցառմանը, բայց դա նրանց ընտրությունն է»,- ասել է նա։
Բելառուսում առաջին անգամ տեղի են ունենալու խորհրդարանի ստորին պալատի եւ պատգամավորների տեղի խորհուրդների ընտրություններ նույն օրը՝ փետրվարի 25-ին։ Երեքշաբթի՝ փետրվարի 20-ին, սկսվել է արտահերթ քվեարկությունը, որը տեւելու է մինչեւ փետրվարի 24-ը ներառյալ։
