Ամերիկյան Meta կորպորացիան հայտարարեց, որ ապրիլից կդադարեցնի նորությունների հրապարակումը իրեն պատկանող Facebook-ում։
«Ապրիլի սկզբին մենք կփակենք Facebook News-ը և կհեռացնենք նորությունների բովանդակության հատուկ ներդիրը Միացյալ Նահանգներում և Ավստրալիայում, ինչպես նախկինում արեցինք Մեծ Բրիտանիայում, Ֆրանսիայում և Գերմանիայում: Այս երկրներում մարդիկ դեռ կկարողանան Facebook-ի նորությունները դիտել իրենց լրահոսում, իսկ հրատարակիչները դեռ մուտք կունենան իրենց հաշիվներն ու էջերը, որտեղ նրանք կարող են հղումներ տեղադրել իրենց բովանդակությանը», - ասվում է ընկերության կայքում տեղադրված հայտարարության մեջ:
Meta-ն նաև ընդգծել է, որ Facebook News-ը փակելու որոշումն ընդունվել է, որպեսզի ընկերությունը կարողանա «կենտրոնացնել ժամանակն և ռեսուրսներն այն բանի վրա, ինչ մարդիկ ամենաշատն են ցանկանում տեսնել հարթակում»: «Ավստրալիայում և ԱՄՆ-ում Facebook-ի նորություններից օգտվողների թիվը նախորդ տարի նվազել է ավելի քան 80%-ով, և նման բովանդակությունը կազմում է այն 3%-ից էլ պակաս, քան այն, ինչ մարդիկ ամբողջ աշխարհում դիտում են իրենց Facebook-ի հոսքերում: Օգտատերերը գալիս են ոչ թե նորությունների և քաղաքական բովանդակության, այլ շփվելու և նոր հնարավորություններ բացահայտելու համար»,- նշվում է հաղորդագրության մեջ։