Գազայի հատվածում իսրայելական ուժերի հարձակումների հետևանքով արմատական խմբավորումների ձեռքում պահվող առնվազն 70 պատանդ է սպանվել: Այս մասին հայտարարել է պաղեստինյան «ՀԱՄԱՍ» շարժման զինյալ թեւի՝ «Իզադին ալ-Քասամ» բրիգադների ներկայացուցիչ Աբու Ուբայդան։
Նրա խոսքով՝ «ՀԱՄԱՍ»-ի կողմնակիցները ձգտում էին փրկել պատանդների կյանքը, սակայն Իսրայելի իշխանությունները միտումնավոր սպանում են պատանդներին, որպեսզի ազատվեն այդ խնդրից:
Նա հայտնել է, որ վերջին մի քանի օրվա ընթացքում ռմբակոծության հետևանքով զոհվել է 7 պատանդ՝ խոստանալով ավելի ուշ հրապարակել նրանց անունները։
Ուբայդան նշել է, որ իրենց կողմնակիցները ողջ մնացած պատանդների համար կպահանջեն նույն գինը, ինչ բոլոր պատանդների, այդ թվում՝ մահացածների համար:
