![](img/news/81/03/50/default.jpg)
Հունգարիայի խորհրդարանի նախագահ Լասլո Կեւերը ստորագրել է ՆԱՏՕ-ին Շվեդիայի անդամակցության վավերացումն ու օրենքն ուղարկել նախագահին՝ հաստատման, վկայում են խորհրդարանի շաբաթ օրվա քվեարկության տվյալները, տեղեկացրել է Reuters-ը։
Օրենսդիրները հավանություն են տվել ՆԱՏՕ-ին Շվեդիայի անդամակցությանը փետրվարի 26-ին՝ հաղթահարելով վերջին խոչընդոտը սկանդինավյան երկրի պատմական քայլից առաջ, որի չեզոքությունը պահպանվել է համաշխարհային երկու պատերազմների եւ սառը պատերազմի ժամանակ։
Հունգարական քվեարկությունը վերջ դրեց բազմամսյա ձգձգմանը եւ հաջորդեց Շվեդիայի վարչապետ Ուլֆ Քրիստերսոնի այցին, որի ընթացքում երկու երկրները ստորագրեցին համաձայնագիր զենքի մատակարարումների մասին։
Հունգարիայի կառավարությունը բախվել է ՆԱՏՕ-ի գծով դաշնակիցների ճնշմանը, որոնք պահանջում են նրանից ենթարկվել եւ ամրագրել Շվեդիայի անդամակցությունը դաշինքին։ Այժմ Հունգարիայի նախագահը հինգ օր ունի, որպեսզի հաստատի օրենքը։