ՀԱՄԱՍ-ը մերժել է Իսրայելի պայմանները՝ տեղահանված բնակչությանը Գազայի հատված վերադարձնելու համար, հաղորդում է Al Arabiya հեռուստաալիքը։
ՀԱՄԱՍ-ի մերժումն՝ ընդունել մյուս կողմի պայմանները կապում են Իսրայելի կասկածների հետ՝ Գազայի հատվածի հյուսիսում երիտասարդ (մինչև 45 տարեկան) բնակչության վերադարձը թույլ տալու վերաբերյալ: Հաղորդվում է նաեւ, որ Համասը պահանջում է Իսրայելից դուրս բերել զորքերը բաժանարար գծից այն կողմ, որը պետք է որոշեն միջնորդները։
Իր հերթին, Իսրայելը հրաժարվել է կատարել ՀԱՄԱՍ-ի պահանջները՝ մի շարք անձանց ազատ արձակելու վերաբերյալ։
Մինչ այս ՀԱՄԱՍ-ի պատվիրակությունը մեկնել էր Կահիրե՝ Իսրայելի հետ բանակցություններից հետո զինադադարի շուրջ խորհրդակցությունների։