Նավթի էտալոնային մակնիշների գինն իջել է երեքշաբթի առավոտյան, նախորդ աճուրդներում գնանշումներն առավելագույնի էին հասել՝ հոկտեմբերի վերջից ի վեր։

Brent նավթի մայիսյան ֆյուչերսների գինը Լոնդոնի ICE Futures բորսայում կազմել է մեկ բարելը 86,69 դոլար, ինչը 0,20 դոլարով (0,23 տոկոս) բարձր է նախորդ աճուրդների ցուցանիշներից։ Երկուշաբթի այդ պայմանագրերը ավելացել էին 1,55 դոլարով (1,8 տոկոս)՝ մեկ բարելը 86,89 դոլար՝ թարմացնելով ռեկորդը նախորդ տարվա հոկտեմբերի 31-ից ի վեր։

WTI նավթի ապրիլյան ֆյուչերսների գնանշումները Նյու Յորքի ապրանքային բորսայի (NYMEX) էլեկտրոնային աճուրդներում իջել են 0,14 դոլարով (0,17 տոկոս)՝ մեկ բարելը 82,58 դոլար։ Անցած աճուրդների արդյունքներով՝ պայմանագիրը թանկացել է 1,68 դոլարով (2,1 տոկոս)՝ մեկ բարելը 82,72 դոլար։ Սա ամենաբարձր նիշն է հոկտեմբերի 27-ից ի վեր, գրել է MarketWatch-ը։