Կոլումբիայի «Ծոցի կլան» կազմակերպված հանցավոր խմբավորումը հայտնել է, որ պատրաստ է բանակցել կառավարության հետ, որը պահանջում է դադարեցնել թմրանյութերի վաճառքը։
«Չնայած նախագահը չի ընդունում մեզ՝ այլ անունով անվանելով, մենք տեղեկացնում ենք, որ ընդունում ենք նրա բանակցելու հրավերը քաղաքական պայմանների մասին, որոնք թույլ կտան իրականացնել սոցիալական տրանսֆորմացիա այն շրջաններում, որտեղ մենք գործում ենք»,- նշվել է խմբավորման հայտարարությունում, որն իրեն անվանում է «Կոլումբիայի գայտանականների ինքնապաշտպանության ուժեր»։
Կոլումբիայի նախագահ Գուստավո Պետրոն հայտնել է, որ եթե «Ծոցի կլանը» դադարի զբաղվել թմրանյութերի առեւտրով եւ միգանտների անօրինական տեղափոխմամբ, կառավարությունը պատրաստ է բանակցություններ սկսել խմբավորման հետ։ Պետութան ղեկավարն ընդգծել է, որ «Ծոցի կլանի» անդամները պետք է պատասխան տան դատարանի առջեւ։
2022թ. դեկտեմբերի վերջին Պետրոն հայտարարել է հրադադարի համաձայնագրի մասին հինգ խմբավորումների, այդ թվում՝ «Ծոցի կլանի» հետ։ 2023թ. մարտին կառավարությունը հայտարարել է խմբավորման դեմ գործողությունները վերսկսելու մասին։
