Եվրամիության հինգ երկրներ՝ Լատվիան, Լիտվան, Լեհաստանը, Չեխիան եւ Էստոնիան, Եվրահանձնաժողովից (ԵՀ) պահանջել են դադարեցնել հացահատիկի ներմուծումը Ռուսաստանից եւ Բելառուսից։ Այս մասին տեղեկացրել է DPA գործակալությունը՝ հղում կատարելով համապատասխան փաստաթղթին, որը ստորագրել են իրենց գյուղտնտնախարարները։

Դրանում նշվել է, որ Ռուսաստանը, ի հաշիվ ԵՄ իր հացահատիկի արտահանումից ստացվող շահույթի, ֆինանսավորում է նաեւ մարտական գործողություններն Ուկրաինայում։ Հինգ երկրները կոչ են անում ԵՀ-ին ստեղծել նորմատիվային ակտեր՝ ՌԴ-ից ներմուծումները սահմանափակելու համար։ Նրանց կարծիքով՝ Եվրահանձնաժողովը պետք է ուսումնասիրի ներմուծման հետագա ողջ կրճատումը։

DPA-ն, հղում կատարելով Եվրոստատի տվյալներին, տեղեկացրել է, որ վերջին տարիներին ԵՄ երկրները զգալիորեն ավելացրել են ՌԴ-ից հացահատիկեղենի ներմուծումը. եթե 2020 եւ 2021թթ. նրանք ներկրել են 120 մլն եվրոյի եւ 290 մլն եվրոյի ցորեն՝ համապատասխանաբար, ապա 2022 եւ 2023թթ.՝ արդեն մոտ 325 եւ 440 մլն եվրոյի։