![](img/news/81/38/35/default.jpg)
Ռուսաստանի Դաշնության Քննչական կոմիտեն քրեական գործ է հարուցել «Ահաբեկչական ակտ» հոդվածով Crocus City Hall –ում տեղի ունեցած արտակարգ դեպքից հետո։ Դեպքի վայր է ժամանել կենտրոնական գրասենյակի քննչական խումբը։
Մոսկվայի քաղաքապետ Սերգեյ Սոբյանինը հայտարարել է, որ շաբաթ և կիրակի Մոսկվայում նախատեսված բոլոր մարզական, մշակութային և հանրային այլ միջոցառումները չեղարկվելու են։
The Bell-ը գրում է, որ Մոսկվայում և Սանկտ Պետերբուրգում սկսել են մարդկանց տարհանել առևտրի կենտրոններից։ Սանկտ Պետերբուրգում այցելուներին դուրս են բերել Պատկերասրահից և Նևսկի կենտրոնից, Մոսկվայում տարհանվել է Վեգասի առևտրի կենտրոնը։
Մարտի 22-ին ԶԼՄ-ները հայտնել են Crocus City Hall-ում տեղի ունեցած կրակոցների մասին։ Ինչպես հայտնում է РИА Новости-ն, առնվազն երեք մարդ կրակ է բացել։ Հայտնի է նաև, որ շենքում պայթյուն է տեղի ունեցել և հրդեհ է բռնկվել։ Telegram-ի ալիքները հայտնում են ավելի քան 40 զոհի և 100 վիրավորի մասին։