G դասի Mercedes-Benz-ը թարմացվել է։ Նրա արդիականացման ծրագիրը համապատասխանում է ժամանակի ոգուն՝ թոփ-մոդելներից մեկի վրա 8 ցիլինդրանի շարժիչը փոխարինվել է 6 ցիլինդրանի հիբրիդայինով, տեղեկացրել է Drom.ru-ն։

Բենզինով աշխատող Mercedes-Benz G550-ը 416 ուժային շարժիչի փոխարեն ունի 3,0 լիտր «վեցանոց» շարժիչ՝ 48 վոլտ ստարտեր-գեներատորով։ Հզորությունը՝ 420 ձիաուժ, պտույտի թափը՝ 560 Нм 610-ի փոխարեն։

G դասի Mercedes-Benz-ի մուլտիմեդիա հնարավորությունները թարմացումից հետո ընդլայնվել են։ Մեքենան ունի թաչսքրինի ֆունկցիա, երկու անհատական մոնիտոր հետեւի ուղեւորների համար։ Ունի նաեւ հեռախոսի անլար լիցքավորման, ըմպելիքները սառեցնելու եւ տաքացնելու հնարավորություն։

Մարզական տարբերակն է Mercedes-AMG G63-ը (577 ձիաուժ, 850 Нм), բայց խցանումների ժամանակ վառելիքի ծախսը պետք է նվազի։ AMG-ի վրա հնից մնացել է 4,0 լիտրանոց բենզինի V8 մոդելի AMG M177-ը։