Վրաստանի խորհրդարանն առաջին ընթերցմամբ աջակցել է խորհրդարանական ընտրություններում կուսակցական ցուցակներում կանանց քվոտաները վերացնելու մասին օրինագծին։ Քվեարկության արդյունքներով՝ 76 ձայն քվոտայով ընտրական օրենսգրքի փոփոխություններին կողմ է քվեարկել 82, դեմ՝ 15 պատգամավոր։
Օրենսդրական նախաձեռնության նախաձեռնողը ընդդիմադիր «Գիրչի» քաղաքական խումբն էր։ Ընտրական օրենսգրքի գործող հոդվածի համաձայն՝ խորհրդարանական ընտրություններին մասնակցող քաղաքական ուժերի կուսակցական ցուցակներում պատգամավորի յուրաքանչյուր չորս թեկնածու պետք է ունենա առնվազն մեկ կին։
Նախաձեռնողների խոսքով՝ Վրաստանում կանայք իրենց քաղաքական կարիերայում որևէ խոչընդոտ չեն ունենում և հատուկ քվոտա չեն պահանջում։ Իսկ օրենսդրության մեջ քվոտայի առկայությունը վկայում է այն մասին, որ իբր երկրում կանայք ճնշված են։ Օրինագիծը քննարկվում է արագացված կարգով։
Իշխող «Վրացական երազանք-Ժողովրդավարական Վրաստան» կուսակցությունն ավելի վաղ հայտարարել էր, որ կաջակցի նախաձեռնությանը։