Մենք աջակցում ենք Հայաստանի ինքնիշխանությանն ու տարածքային ամբողջականությանը։ Այս մասին «Հայաստան-Վրաստան ռազմավարական գործընկերություն. հայեցակարգից դեպի իրականություն» կոնֆերանսում ապիլի 11-ին ասել է Վրաստանի արտաքին գործերի առաջին փոխնախարար Լաշա Դարսալիան։
Նա ավելացրել է, որ Թբիլիսին կողմ է կայունությանը Հարավային Կովկասում։ Դարսալիան կողմ է տարածաշրջանի բոլոր երկրների փոխշահավետ համագործակցությանը։ «Մենք հուսով ենք շարունակել դրական դինամիկան Հայաստանի եւ Ադրբեջանի միջեւ խաղաղության պայմանագրի ձեռքբերման գործընթացում։ Վրաստանը պատրաստ է ներդնել իր ավանդը Հարավային Կովկասում խաղաղության եւ կայունության ապահովման գործում»,- նշել է փոխնախարարը։
Նա ողջունել է քաղաքական երկխոսության ակտիվացումը Հայաստանի եւ Եվրամիության միջեւ։ Նրա գնահատմամբ՝ Հայաստանի եւ Վրաստանի հարաբերությունները, որոնք կանխորոշված են ընդհանուր պատմությամբ եւ աշխարհագրությամբ, նոր մակարդակ են դուրս եկել։