News
Լրահոս
News
Հինգշաբթի
Հունիս 13
Տեսնել լրահոսը

Մայիսի 20-ին ՀՀ ֆինանսների նախարար Վահե Հովհաննիսյանն ընդունել է Կայունացման և զարգացման եվրասիական հիմնադրամի գործադիր տնօրեն Անդրեյ Շիրոկովին:

Ֆինանսների նախարարությունից NEWS.am-ին հայտնում են, որ հանդիպման ընթացքում կողմերը քննարկել են Հյուսիս-Հարավ ճանապարհային միջանցքի շինարարության շրջանակներում Քաջարանի մոտ 7 կմ երկարությամբ թունելի կառուցման և գոյություն ունեցող Երևան-Երասխ-Գորիս-Մեղրի-ՀՀ պետական սահման ճանապարհի վերակառուցման ծրագրի ֆինանսավորմանն առնչվող հարցեր: Նախարարը բարձր է գնահատել նման առանցքային նախագծին հիմնադրամի մասնակցությունը:

Անդրադարձ է կատարվել հիմնադրամի կողմից իրականացվող մի շարք ներդրումային և դրամաշնորհային ծրագրերի, այդ թվում և հանրային հատվածի կազմակերպությունների ֆինանսական հաշվետվությունների որակի բարձրացմանն ուղղված տեխնիկական աջակցության ծրագրի մանրամասներին:

Կողմերն ընդգծել են ԿԶԵՀ 2022-2026 թվականների ռազմավարության և անդամ երկրների ռազմավարությունների իրականացման միջնաժամկետ գնահատման կարևորությունը ու պայմանավորվել վերջինիս մանրամասն քննարկումը նախատեսել մինչև մայիսի վերջ:

Հանդիպման ավարտին տեղի է ունեցել Կայունացման և զարգացման եվրասիական հիմնադրամի միջոցներից 100 մլն ԱՄՆ դոլար ֆինանսական վարկ տրամադրելու մասին համաձայնագրի ստորագրման պաշտոնական արարողությունը:

Կայունացման և զարգացման եվրասիական հիմնադրամը (ԿԶԵՀ) տարածաշրջանային ֆինանսական կառույց է՝ 9 մլրդ ԱՄՆ դոլարը գերազանցող միջոցների ծավալով, որը հիմնադրվել է 2009 թվականին Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Ռուսաստանի Դաշնության և Տաջիկստանի Հանրապետության կողմից: Հիմնադրամի նպատակն է աջակցել մասնակից պետությունների տնտեսական և ֆինանսական կայունության ապահովմանը, ինչպես նաև դրանց կայուն զարգացմանը։

ՀՀ-ում հիմնադրամի պորտֆելը ներառում է մի շարք ծրագրեր` 540 մլն ԱՄՆ դոլարը գերազանցող գումարի չափով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ֆլայ Արնա»-ն արդեն երկու ամիս չի վճարում աշխատակիցների աշխատավարձերը
Չնայած վերոգրյալին՝ ավիաընկերության աշխատակիցներին չի վճարվել ս․թ․ ապրիլ և մայիս ամիսների աշխատավարձը, ինչպես նաև արձակման նպաստը...
ՀՀ կառավարությունը հարկային արտոնությունների վրա տարեկան մոտ 680 միլիարդ դրամ է ծախսում. Ֆինանսների նախարարություն
Չէ՞ որ վերը նշված արտոնությունների հաշվին հենց այսքան պակաս է ստանում պետական ​​բյուջեն...
2023-ին Հայաստանի յուրաքանչյուր բնակիչ միջինը վճարել է մոտ 750 հազար դրամի հարկ. Վահե Հովհաննիսյան
Ընդ որում, հինգ տարի առաջ, ինչպես նշեց նախարարը, այդ գումարը կազմում էր 424 հազար դրամ, իսկ տասը տարի...
Դոլարի փոխարժեքը կայուն է. եվրոն մի փոքր թանկացել է
ԱՄՆ դոլարի փոխարժեքն այսօր՝ հունիսի 12-ին, կազմել է...
Wine Story. Karas․ ինչպես է հայկական գինեգործության վերածնունդը գրավում ԱՄՆ շուկան (ֆոտո)
Մեր ընտանիքի առաքելությունն էր վերադառնալ գինեգործության ավանդույթներին, երբ այդ ոլորտը մոռացության էր մատնվել, և Հայաստանը գինեգործության առումով արժեքավոր տարածաշրջան դարձնել...
PROFAL-ի մետաղապլաստե պրոֆիլներով կիրականացվի ML Mining-ի «Նոր Երևան» բնակելի համալիրի ապակեպատումը
Չորս մասնաշենքերից բաղկացած թաղամասը գտնվում է Մալաթիա Սեբաստիա վարչական շրջանում՝ Առնո Բաբաջանյան 42/5 հասցեում...
Ամենաշատ
Ֆոտոռեպորտաժներ