Մեծ Բրիտանիան և նրա դաշնակիցները Ուկրաինայի համար միջազգային հիմնադրամի կազմում 70 միլիոն ֆունտ ստեռլինգ արժողությամբ հակաօդային պաշտպանության ռադարներ, կեղծ թիրախներ և էլեկտրոնային պատերազմի սարքավորումներ են ուղարկում երկիր, որը դիմադրում է Ռուսաստանի ագրեսիային, հայտնում է BBC-ն։
Օգնության փաթեթը ներառում է նաև ռազմական նավակներ, հսկողության անօդաչու թռչող սարքեր և 80 միլիոն ֆունտ արժողությամբ անօդաչու վերգետնյա նավեր:
Ուկրաինայի համար միջազգային հիմնադրամն արդեն ստացել է 900 միլիոն ֆունտ ստեռլինգ։
Մեծ Բրիտանիան ամենամեծ դոնորն է, որը 500 միլիոն ֆունտ ստեռլինգ է հատկացնում հիմնադրամին: Այս դաշինքի մեջ են մտնում նաև Դանիան, Էստոնիան, Ֆինլանդիան և Գերմանիան։
«Ուկրաինայի միջազգային հիմնադրամը կենսական աջակցություն է ցուցաբերում Ուկրաինայի զինված ուժերին», - ասել է Մեծ Բրիտանիայի պաշտպանության նախարար Գրանտ Շապսը: