Նիկոլ Փաշինյան, մենք չեք ուզում, որ քո քաղաքական թիմը պառակտվի, մարդուն տրամադրենք մարդու, հային հայի դեմ: Այս մասին այսօր՝ մայիսի 26-ին, Հանրապետության հրապարակում հանրահավաքում հայտարարեց Տավուշի թեմի առաջնորդ Բագրատ Սրբազանը՝ դիմելով գործող վարչապետին:
«Արդյունքում քո թիմը տանելով եւ նրա յուրաքանչյուր ներկայացուցչին արժեքային, բարոյական կործանման, ներկա եւ ապագա սերունդների նզովքին ենթակա, դրանից խուսափելու միակ տարբերակը քո հրաժարականն է: Եթե այդ մարդկանցից յուրաքանչյուրը քեզ համար որեւէ կարեւորություն ունի, հրաժարական տուր: Սա վերջին հնարավորությունն է քաղաքակիրթ ճանապարհով ընթանալու, եւ քո վերջին հնարավորությունը, որի համար շատ ժամանակ չունես:
Դիմում եմ ՔՊ-ի ներկայացուցիչներին ռ ի գիտություն. Եթե ձեր ղեկավարն այնուամենայնիվ արհամարհած ունենա բոլորիդ եւ տանի բաժանման, այդ բաժանումը կարող ենք նաեւ մենք անել: Փորձեք ձեր ջանքերը ներդնել՝ չհասնելու այդ ջրբաժանին, որը ծանր է լինելու: Ամփոփելով ուզում եմ ասել, որ ճշմարտության հաղթանակն այլընտրանք չունի»,- ընդգծեց նա:
Բագրատ Սրբազանը իր ելույթն ավարտեց Հովհաննես Թումանյանի բանաստեղծություններից մեկով, որն արտասանել է նաեւ 2020 թվականի նոյեմբերի 5-ին Շուշիի Ղազանչեցոց եկեղեցում:
