Վերջին օրերին Վրաստանում արձանագրվել է A/H1N1՝ «խոզի գրիպ»-ով վարակման միանգամից 10 դեպք: Այդ մասին «Կավկազ-Պրեսին» հայտնել է հիվանդությունների վերահսկողության ազգային կենտրոնի ղեկավար Պաատա Իմնաձեն:
Առողջապահության նախարար Ալեքսանդր Կվիտաշվիլիի խոսքերով, այսօր արձանագրվել է А/H1N1 վարակման 43 դեպք: Նա նկատել է, որ մարդիկ վարակվել են հիմնականում՝ գտնվելով արտերկրյա գործուղումներում, բացառությամբ 4 դեպքի, որոնց վարակվել են տեղում:
Անցած շաբաթ Վրաստանի կառավարությունն ընդունել է «խոզագրիպ»-ի վարակի կանխարգելման ծրագիրը, սակայն, Կվիտաշվիլիի խոսքերով, գերատեսչությունում ակնկալում են, որ վարակի համաճարկը կլինի 2010թ. հունվարին: Նա կարանտինի հայտարարման անհրաժեշտություն է արձանագրել:
Այսօր տեղեկություն է տարածվել, թե վտանգավոր վարակով վարակվել է ուկրաինական խորհրդարանի մի պատգամավոր, որը այցով գտնվում է Վրաստանում՝ մասնակցելու ՎՈՒԱՄ ԽՎ նստաշրջանին: Ուկրաինական պատվիրակության փոխանցմամբ՝ պատվիրակության կին անդամներից մեկը երեկ իրեն վատ է զգացել եւ նրան տեղափոխել են հիվանդանոց, սակայն անալիզների արդյունքները դեռ չկան:
Հիշեցնենք, որ դեռ նոյեմբերի 6-ին Վրաստանի առողջապահության նախարարությունը հայտնել էր 38 վարակվածի մասին, սակայն բարեբախտաբար մահացու ելք չի արձանագրվել:
