Հունաստանում եւս մոլեգնում է «խոզի գրիպի» համաճարակը: Այս մասին հայտարարել է Հունաստանի առողջապահության նախարարության հիվանդությունների վերահսկողության եւ կանխարգելման կենտրոնը: «Խոզի գրիպով» հիվանդների քանակը երկրում անցել է 3 հազարից, ընդ՝ որում նրանից 330-ը վարակվել են վերջին մի քանի օրերին: 5 մարդ մահացել է: Ընդհանուր առմամբ, Հունաստանում գրիպով հիվանդների 40 տոկոսը հենց այդ նոր գրիպի կրողներն են:
Վերջին երկու օրերին համաճարակի տարածման կապակցությամբ երկրում փակվել է 158 դպրոց: Այնուամենայնիվ, առողջապահության նախարարությունում դեռեւս, պրոֆիլակտիկ նկատառումներից ելնելով, բոլոր ուսումնական հաստատությունները փակելու հիմք չեն տեսնում:
Մասնագետները կարծում են, որ գրիպի համաճարակը կտեւի 6-8 շաբաթ: Հունաստանը նախատեսում է մոտ օրերս զանգվածային պատվաստումներ իրականացնել բնակչության շրջանում: