A/H1N1 վարակով կամ, ինչպես ընդունված է ասել, «խոզի գրիպով» վարակվածների թիվը ողջ աշխարհում հատել է կես միլիոնի սահմանը:
Առողջապահության համաշխարհային կազմակերպության հրապարակած տեղեկատվություններով՝ 2009թ. նոյեմբերի 16-ի դրությամբ գրանցվել է «խոզագրիպի» 503500-ից ավել դեպք, որոնցից 6260-ը մահացու ելք են ունեցել:
Հայաստանում այս պահին կա 21 վարակակիր, որոնց բոլորի վիճակն էլ բժիշկները բավարար են գնահատում: «Խոզագրիպը», սակայն, մոլեգնում է հարեւան երկրներում: Թուրքիայում 8 տասնյակից ավելի մարդ մահացել է վարակի հարուցած բարդություններից:
